لاہور میں 18 سال بعد بسنت کی واپسی، مارکیٹس میں اربوں روپے کی معاشی سرگرمی

لاہور میں اٹھارہ سال بعد بسنت کی اجازت ملنے کے بعد شہر بھر میں زبردست معاشی سرگرمیاں دیکھنے میں آ رہی ہیں۔ پتنگوں اور ڈور کی فروخت میں نمایاں اضافے کے باعث مارکیٹس میں رش بڑھ گیا ہے اور کاروباری حلقوں میں خوشی کی لہر دوڑ گئی ہے۔

ماہرینِ معیشت کے مطابق صرف دو روز کے دوران 32 کروڑ روپے سے زائد کا کاروبار ریکارڈ کیا گیا ہے۔ موچی گیٹ، اسلام پورہ، سمن آباد، اچھرہ اور دیگر تجارتی علاقوں میں خریداری کا رجحان نمایاں طور پر بڑھ گیا ہے۔

معاشی ماہرین کا کہنا ہے کہ بسنت کے تین روزہ جشن سے لاہور کو مجموعی طور پر تقریباً 20 ارب روپے تک کا اقتصادی فائدہ پہنچنے کا امکان ہے، جس میں ہوٹلنگ، ٹرانسپورٹ، خوراک، سیاحت اور شاپنگ جیسے شعبے شامل ہیں۔

شہریوں کے مطابق بسنت کی واپسی سے ہزاروں چھوٹے کاروبار، مینوفیکچررز اور ریٹیلرز دوبارہ فعال ہو گئے ہیں، جبکہ متعدد سیلنگ پوائنٹس اور رجسٹرڈ ٹریڈرز نے بھی اپنی سرگرمیاں شروع کر دی ہیں۔