فیلڈ مارشل عاصم منیر کا پاکستان آرڈیننس فیکٹری واہ کا دورہ، پیداواری صلاحیتوں کا جائزہ لیا

چیف آف ڈیفنس فورسز فیلڈ مارشل سید عاصم منیر نے پاکستان آرڈیننس فیکٹری (پی او ایف) واہ کا دورہ کیا، جہاں انہوں نے ادارہ جاتی پیداواری صلاحیتوں اور برآمدی امکانات کا تفصیلی جائزہ لیا۔ آئی ایس پی آر کے مطابق آرمی چیف کو پی او ایف کی آپریشنل سرگرمیوں، مقامی سطح پر اسلحہ و گولہ بارود کی تیاری اور ڈی آئی پی آر اے آرڈیننس کے تحت جاری کارپوریٹائزیشن کے عمل پر بریفنگ دی گئی۔ اس موقع پر فیلڈ مارشل نے مقامی ہتھیاروں کے ٹیسٹ اور ٹرائلز کا مشاہدہ بھی کیا۔ بریفنگ میں بتایا گیا کہ انڈیجنائزیشن اور اپ گریڈیشن کے لیے دو نئے صنعتی پلانٹس نصب کیے جا رہے ہیں جو رواں سال کے اختتام تک پیداوار کا آغاز کر دیں گے۔ دورے کے دوران دفاعی پیداوار میں خود انحصاری اور تکنیکی جدت کے عزم کا اعادہ کیا گیا۔