خاتون کو دوستی کی پیشکش، ایس ایس پی ایسٹ نے ویڈیو کا نوٹس لے لیا

کراچی میں پولیس اہلکار کی جانب سے خاتون کو دوستی کی پیشکش کرنے اور مبینہ طور پر ہراساں کرنے کا معامله سامنے آنے پر سینئر سپرنٹنڈنٹ آف پولیس (ایس ایس پی) ایسٹ زبیر نذیر شیخ نے سوشل میڈیا پر وائرل ویڈیو کا سخت نوٹس لے لیا ہے۔ ایس ایس پی ایسٹ نے فوری ایکشن لیتے ہوئے متعلقہ پولیس اہلکار کو عہدے سے معطل کر دیا ہے اور واقعے کی شفاف، غیر جانبدارانہ اور میرٹ پر انکوائری کا حکم جاری کر دیا ہے۔

ایس ایس پی ایسٹ زبیر نذیر شیخ کے مطابق ڈی ایس پی گلشن اقبال کو معاملے کا انکوائری افسر مقرر کیا گیا ہے جو واقعے کی تمام پہلوؤں سے جانچ کریں گے۔ انکوائری افسر کو ہدایت کی گئی ہے کہ وہ واقعے کی مکمل اور جامع تحقیقات کر کے رپورٹ جلد از جلد پیش کریں تاکہ ملوث اہلکار کے خلاف قانون اور محکماتی قواعد کے مطابق سخت ترین نظم و ضبط کی کارروائی عمل میں لائی جا سکے۔