ایران کی ستمبر میں تیل کی فروخت 2 سال کی بلند ترین سطح پر پہنچ گئی

امریکا اور اسرائیل کے ساتھ شدید علاقائی کشیدگی اور معاشی پابندیوں کے باوجود ستمبر کے مہینے میں ایران کی خام تیل کی فروخت گزشتہ دو سال کی بلند ترین سطح پر پہنچ گئی ہے۔ ایرانی ذرائع ابلاغ کی جانب سے جاری کردہ تازہ ترین اعداد و شمار کے مطابق ستمبر کے دوران ایران کی تیل کی درآمدات و فروخت 3 ارب ڈالر کی حد سے تجاوز کر گئی ہے، جو کہ گزشتہ 24 ماہ کے عرصے میں کسی بھی ایک ماہ کی بلند ترین سطح شمار کی جا رہی ہے۔

ایرانی مالیاتی حکام کا دعویٰ ہے کہ تیل کی مد میں حاصل ہونے والی آمدنی اب تک قومی بجٹ میں مقرر کردہ ہدف سے تجاوز کر چکی ہے۔ حکام کے مطابق اس آمدنی میں غیر معمولی اضافے کے باعث ایرانی حکومت کو بیرونِ ملک سے ضروری اشیاء کی درآمدات اور ملک بھر میں جاری قومی نوعیت کے اہم معاشی و بنیادی ڈھانچے کے منصوبوں کو آگے بڑھانے کے لیے معاشی طور پر زیادہ مالی گنجائش اور استحکام حاصل ہوا ہے۔