اقوامِ متحدہ کے اجلاس میں شرکت واشنگٹن کا کرم نہیں ہمارا قانونی حق ہے: ترجمان ایرانی وزارتِ خارجہ

ایران کی وزارتِ خارجہ کے ترجمان اسماعیل بقائی نے واضح کیا ہے کہ تہران اقوامِ متحدہ کی جنرل اسمبلی میں شرکت کا اپنا قانونی حق کسی صورت سے دستبردار نہیں کرے گا۔ انہوں نے زور دے کر کہا کہ نیویارک میں اقوامِ متحدہ کے اجلاس میں شرکت واشنگٹن کی طرف سے دی گئی کوئی رعایت یا مراعات نہیں ہے، بلکہ یہ ایران کا بین الاقوامی حق ہے کیونکہ ایران اقوامِ متحدہ کے ابتدائی 50 بانی رکن ممالک میں شامل ہے۔ انہوں نے کہا کہ ایرانی نمائندوں کے لیے نیویارک جانا کسی شوق یا کشش کی وجہ سے نہیں، بلکہ یہ ایک ایسا محاذ اور مورچہ ہے جسے خالی نہیں چھوڑا جا سکتا۔

ایک ٹیلی ویژن پروگرام میں گفتگو کرتے ہوئے اسماعیل بقائی کا کہنا تھا کہ گزشتہ چند ماہ کے تنازعات اور مظالم کے بعد یہ ایران کی بنیادی ذمہ داری ہے کہ وہ اس اہم ترین بین الاقوامی فورم پر شرکت کر کے دنیا کے سامنے ایرانی عوام کے حقوق اور انصاف کی آواز بلندو واضح کرے۔ ترجمان نے شکوہ کیا کہ مخالف فریق نے ایرانی وفد کی شرکت روکنے کے لیے منفی پروپیگنڈے اور ویزوں کے اجراء میں تاخیر یا انکار جیسے تمام تر ہتھکنڈے استعمال کیے، تاہم یہ رکاوٹیں ایران کو اقوامِ متحدہ کے پلیٹ فارم سے اپنے اصولی موقف کو بیان کرنے سے نہیں روک سکتیں۔