ٹیکسٹائل ایکسپورٹرز کا مہنگی بجلی، گیس اور بھاری ٹیکسز پر تحفظات کا اظہار

وفاقی وزیر تجارت جام کمال خان نے ٹیکسٹائل برآمد کنندگان کے تحفظات دور کرنے کے لیے ‘ایکسپورٹ فسیلی ٹیشن سکیم’ کے تحت ایک خصوصی تکنیکی کمیٹی قائم کرنے کا اعلان کر دیا ہے۔ اسلام آباد میں ٹیکسٹائل وفد سے ملاقات کے دوران وزیر تجارت نے کہا کہ برآمدات میں اضافہ اور پالیسیوں میں استحکام حکومت کی اولین ترجیح ہے۔ انہوں نے برآمد کنندگان کو یقین دلایا کہ ریفنڈز میں تاخیر اور مالی مشکلات کے حل کے لیے عملی اقدامات کیے جائیں گے۔ جام کمال نے ٹیکسٹائل سیکٹر کو ملکی معیشت کی ریڑھ کی ہڈی قرار دیتے ہوئے نئی منڈیوں کی تلاش اور ہائی ویلیو مصنوعات کی تیاری پر زور دیا۔