ٹی20 ورلڈکپ کیلئے بھارتی ٹیم کا اعلان، اہم کھلاڑی باہر

بھارت نے اگلے سال کے آغاز میں ہونے والے ٹی 20 ورلڈکپ کے لیے اپنی ٹیم کا اعلان کر دیا۔

بھارتی کرکٹ بورڈ نے ٹی 20 ورلڈکپ 2026 کے لیے جس سکواڈ کا اعلان کیا ہے اس کی قیادت سوریا کمار یادیو کریں گے، ابھیشک شرما، سنجو سیمسن، تلک ورما، ہاردک پانڈیا اور شیوم ڈوبے بھی بھارتی سکواڈ کا حصہ ہیں۔

اس کے علاوہ اکشر پٹیل، رنکو سنگھ، جسپریت بمراہ، ہرشیت رانا اور ارشدیپ سنگھ بھی ٹیم میں شامل ہیں، کلدیپ یادیو، ورن چکرورتی، واشنگٹن سندر اور ایشان کشن کو بھی بھارتی سکواڈ کا حصہ بنایا گیا ہے۔

بھارت کی ٹی 20 ٹیم کے نائب کپتان شبمن گل ورلڈکپ سکواڈ میں جگہ نہ بنا سکے اور ان کی جگہ اکشر پٹیل کو بھارتی ٹیم کا نائب کپتان مقرر کر دیا گیا ہے، ٹی 20 ورلڈکپ 7 فروری سے بھارت اور سری لنکا میں کھیلا جائے گا۔