آئی سی سی کوڈ آف کنڈکٹ کی خلاف ورزی، بنگلہ دیشی باؤلر ناہید رانا پر جرمانہ

بنگلہ دیش کے تیز گیند باز ناہید رانا پر آئرلینڈ کے خلاف پہلے ٹیسٹ میچ کے دوران آئی سی سی کوڈ آف کنڈکٹ کی خلاف ورزی پر میچ فیس کا 25 فیصد جرمانہ عائد کیا گیا۔

آئی سی سی کے مطابق ناہید رانا نے سلہٹ میں کھیلے گئے میچ کے پہلے دن آرٹیکل 2.9 کی خلاف ورزی کی، جو کھلاڑیوں اور ان کے معاون عملے کے لیے طے شدہ ضابطۂ اخلاق سے متعلق ہے۔

جرمانے کے ساتھ ناہید رانا کے ڈسپلنری ریکارڈ میں ایک ڈیمیرٹ پوائنٹ کا بھی اضافہ کیا گیا ہے۔ آئی سی سی کا کہنا ہے کہ یہ خلاف ورزی لیول 1 کی نوعیت کی تھی، جسے میچ ریفری نے تصدیق کے بعد کارروائی کے لیے منظور کیا۔