عاصم اظہر کے کراچی کنسرٹ میں ہانیہ عامر کی شرکت، ویڈیوز و تصاویر وائرل

پاکستان کی معروف اداکارہ ہانیہ عامر نے گزشتہ رات کراچی میں منعقد ہونے والے گلوکار عاصم اظہر اور صوفی گلوکارہ عابدہ پروین کے میوزک کنسرٹ میں شرکت کی، جس کی ویڈیوز اور تصاویر وائرل ہونے کے بعد سوشل میڈیا پر ایک بار پھر نئی بحث چھڑ گئی ہے۔ وائرل مناظر میں دیکھا جا سکتا ہے کہ ہانیہ عامر کنسرٹ میں عاصم اظہر کی پرفارمنس سے بھرپور لطف اندوز ہو رہی ہیں اور موبائل سے ویڈیوز بناتی نظر آئیں۔ کنسرٹ میں ان کی اچانک آمد کے بعد ایک بار پھر دونوں فنکاروں کے ماضی کے تعلقات اور موجودہ دوستی سے متعلق افواہیں اور قیاس آرائیاں تیز ہو گئی ہیں، تاہم ہانیہ عامر یا عاصم اظہر کی جانب سے اس حوالے سے کسی قسم کی تصدیق یا تردید سامنے نہیں آئی ہے۔