عالمی اور مقامی مارکیٹ میں سونے کی قیمت میں بڑی کمی

عالمی اور مقامی سطح پر سونے اور چاندی کی قیمتوں میں نمایاں کمی ریکارڈ کی گئی ہے۔ آل پاکستان صرافہ ایسوسی ایشن کے مطابق مقامی مارکیٹ میں 24 قیراط فی تولہ سونا 4,300 روپے سستا ہو کر 427,436 روپے کی سطح پر آ گیا ہے، جبکہ 10 گرام سونے کی قیمت میں 3,687 روپے کی کمی کے بعد نیا بھاؤ 366,457 روپے ہو گیا ہے۔ اسی طرح 24 قیراط فی تولہ چاندی کے دام 174 روپے کمی کے بعد 6,223 روپے ہو گئے ہیں۔ دوسری جانب بین الاقوامی بلین مارکیٹ میں فی اونس سونا 43 ڈالر کمی کے ساتھ 4,050 ڈالر کی سطح پر ریکارڈ کیا گیا ہے۔