سونے کی قیمت میں اضافے کا سلسلہ جاری، آج پھر مہنگا ہو گیا

عالمی اور مقامی صرافہ مارکیٹوں میں سونے اور چاندی کی قیمتوں میں مسلسل اور نمایاں اضافے کا سلسلہ جاری ہے۔ بدھ کے روز بین الاقوامی بلین مارکیٹ میں فی اونس سونے کی قیمت میں 42 ڈالر کا اضافہ ریکارڈ کیا گیا، جس کے بعد عالمی مارکیٹ میں سونے کی نئی قیمت 4 ہزار 415 ڈالر فی اونس کی سطح پر آ گئی ہے۔

عالمی مارکیٹ کے اثرات کے باعث مقامی صرافہ بازاروں میں بھی کاروباری ہفتے کے تیسرے دن سونے کی قیمتوں میں بڑا اوچھال دیکھا گیا۔ فی تولہ سونے کی قیمت 4 ہزار 200 روپے کے اضافے کے بعد 4 لاکھ 63 ہزار 936 روپے کی سطح پر پہنچ گئی ہے، جبکہ فی 10 گرام سونا 3 ہزار 601 روپے مہنگا ہو کر 3 لاکھ 97 ہزار 750 روپے کا ہو گیا ہے۔ دوسری جانب چاندی کی قیمتوں میں بھی تیزی ریکارڈ کی گئی، جہاں فی تولہ چاندی 146 روپے کے اضافے سے 7 ہزار 111 روپے اور فی 10 گرام چاندی 125 روپے کے اضافے کے ساتھ 6 ہزار 096 روپے کی سطح پر آگئی ہے۔