عالمی اور مقامی مارکیٹ میں سونے کی قیمت میں بڑا اضافہ

کراچی: عالمی مارکیٹ میں قیمتیں بڑھنے کے زیرِ اثر پاکستان کی مقامی صرافہ مارکیٹوں میں بھی سونے اور چاندی کی قیمتوں میں ایک بار پھر بڑا اور غیر معمولی اضافہ ریکارڈ کیا گیا ہے، جس کے بعد سونا تاریخ کی نئی بلند ترین سطح پر پہنچ گیا ہے۔

آل پاکستان صرافہ ایسوسی ایشن کی جانب سے جاری کردہ تازہ ترین اعداد و شمار کے مطابق، مقامی صرافہ مارکیٹ میں 24 قیراط فی تولہ سونے کی قیمت میں 4,600 روپے کا بھاری اضافہ دیکھا گیا ہے، جس کے بعد فی تولہ سونا مہنگا ہو کر 4 لاکھ 76 ہزار 362 روپے کی سطح پر پہنچ گیا ہے۔

اسی طرح، 10 گرام سونے کے بھاؤ میں بھی تیز رفتاری سے اضافہ ہوا ہے؛ مارکیٹ میں 10 گرام سونا 3,944 روپے مہنگا ہونے کے بعد 4 لاکھ 8 ہزار 403 روپے کی سطح پر بند ہوا ہے۔سونے کے ساتھ ساتھ قیمتی دھات چاندی کی قیمتوں کو بھی پر لگ گئے ہیں مقامی مارکیٹ میں 24 قیراط فی تولہ چاندی کی قیمت میں 94 روپے کا اضافہ ریکارڈ کیا گیا ہے۔اس اضافے کے بعد اب فی تولہ چاندی کی نئی قیمت 8 ہزار 153 روپے کی سطح پر پہنچ چکی ہے۔