کراچی: سونے کی قیمتوں میں مسلسل پانچ روزہ گراوٹ کے بعد بڑا اضافہ، فی تولہ سونا 2300 روپے مہنگا

کراچی: مقامی صرافہ بازار میں سونے کی قیمتوں میں مسلسل پانچ روز تک جاری رہنے والی کمی کا سلسلہ تھم گیا اور آج قیمتوں میں نمایاں اضافہ ریکارڈ کیا گیا ہے۔ فی تولہ سونا 2,300 روپے اضافے کے بعد 4 لاکھ 93 ہزار 162 روپے کی سطح پر پہنچ گیا ہے۔

عالمی منڈی میں ہونے والے اضافے کے اثرات مقامی سطح پر بھی دیکھے گئے، جہاں 10 گرام سونے کی قیمت بھی 1,971 روپے بڑھ کر 4 لاکھ 22 ہزار 806 روپے ہو گئی ہے۔ عالمی مارکیٹ میں فی اونس سونا 23 ڈالر اضافے کے ساتھ 4,708 ڈالر کی سطح پر ٹریڈ ہو رہا ہے۔

سونے کے ساتھ ساتھ چاندی کی قیمتوں میں بھی تیزی کا رجحان رہا۔ کراچی میں چاندی کے فی تولہ نرخ 92 روپے اضافے کے بعد 8,049 روپے پر بند ہوئے۔ مارکیٹ ماہرین کا کہنا ہے کہ عالمی سطح پر قیمتوں میں اتار چڑھاؤ کے باعث مقامی مارکیٹ میں بھی سونے کی قیمتوں میں غیر یقینی صورتحال برقرار ہے۔