پچھلے تمام ریکارڈ ٹوٹ گئے، سونے کی قیمت میں بڑا اضافہ

کراچی: سونے کی قیمت نے گزشتہ تمام ریکارڈ توڑ دیے ہیں اور آج بھی ہزاروں روپے کے اضافے کے ساتھ سونا تاریخی بلند ترین سطح پر پہنچ گیا ہے۔

تازہ رپورٹ کے مطابق سونے کے فی تولہ نرخ میں 6,500 روپے کا اضافہ ہوا، جس کے بعد نئی قیمت 521,162 روپے ہو گئی ہے۔ 10 گرام سونا 5,573 روپے مہنگا ہو گیا ہے اور اس کی نئی قیمت 446,812 روپے فی 10 گرام ہے۔

عالمی مارکیٹ میں بھی سونے کی قیمت میں 65 ڈالر کا اضافہ ہوا ہے، جس کے بعد فی اونس سونا 4,988 ڈالر پر پہنچ گیا ہے، جو تاریخی بلند ترین سطح ہے۔

چاندی کی قیمت میں بھی اضافہ ریکارڈ کیا گیا ہے، فی تولہ چاندی 526 روپے بڑھ گئی اور نئی قیمت 10,801 روپے پر پہنچ گئی ہے۔