عالمی اور مقامی مارکیٹ میں سونے کی قیمت میں پھر کمی

کراچی: عالمی اور مقامی مارکیٹ میں دو دن کے وقفے کے بعد سونے اور چاندی کی قیمتوں میں ایک بار پھر بڑی کمی ریکارڈ کی گئی ہے۔

آل پاکستان صرافہ اینڈ جیولرز ایسوسی ایشن کے مطابق مقامی صرافہ بازاروں میں 24 قیراط فی تولہ سونا 3 ہزار 700 روپے سستا ہو کر 4 لاکھ 58 ہزار 236 روپے کی سطح پر آ گیا ہے۔ اسی طرح 10 گرام سونے کی قیمت میں 3 ہزار 172 روپے کی کمی دیکھنے میں آئی، جس کے بعد اس کی نئی قیمت 3 لاکھ 92 ہزار 863 روپے ہو گئی ہے۔

سونے کے ساتھ ساتھ چاندی کی قیمتوں میں بھی ہیر پھیر دیکھا گیا ہے۔ فی تولہ چاندی کی قیمت 186 روپے کی کمی کے بعد 6 ہزار 800 روپے کی سطح پر بند ہوئی۔

دوسری جانب بین الاقوامی بلین مارکیٹ میں بھی فی اونس سونا 37 ڈالر سستا ہو گیا، جس سے عالمی مارکیٹ میں سونے کی نئی قیمت 4 ہزار 358 ڈالر فی اونس ہو گئی ہے۔