عالمی و مقامی سطح پر سونے کی قیمتوں میں کمی ریکارڈ

کراچی: بین الاقوامی بلین مارکیٹ میں سونے کی قیمتوں میں مندی کے رجحان کے اثرات مقای صرافہ بازاروں پر بھی مرتب ہوئے ہیں، جس کے نتیجے میں فی تولہ اور فی دس گرام سونے کی قیمتوں میں نمایا ں کمی ریکارڈ کی گئی ہے۔

بین الاقوامی مارکیٹ میں فی اونس سونے کی قیمت 24 ڈالر کی کمی کے بعد 4 ہزار 406 ڈالر کی سطح پر آ گئی۔ عالمی مارکیٹ میں ہونے والی اس کمی کے باعث پاکستان میں فی تولہ سونے کی قیمت میں 2 ہزار 400 روپے جبکہ 10 گرام سونے کی قیمت میں 2 ہزار 058 روپے کی کمی ہوئی۔

قیمتوں میں اس تلاطم کے بعد مقامی صرافہ مارکیٹوں میں فی تولہ سونے کی نئی قیمت 4 لاکھ 63 ہزار 136 روپے اور 10 گرام سونے کی قیمت 3 لاکھ 97 ہزار 064 روپے ہو گئی ہے۔ دوسری جانب مقامی مارکیٹ میں چاندی کے نرخ بھی سستے ہوئے ہیں؛ فی تولہ چاندی کی قیمت 39 روپے کی کمی سے 7 ہزار 059 روپے جبکہ فی 10 گرام چاندی کی قیمت 34 روپے گھٹ کر 6 ہزار 051 روپے کی سطح پر آ گئی ہے۔