عالمی و مقامی سطح پر سونے اور چاندی کی قیمتوں میں کمی

عالمی اور مقامی سطح پر سونے اور چاندی کی قیمتوں میں بڑی کمی ریکارڈ کی گئی ہے۔ آل پاکستان صرافہ ایسوسی ایشن کے مطابق مقامی صرافہ بازار میں 24 قیراط فی تولہ سونا 4,600 روپے سستا ہو کر 4,27,436 روپے کا ہو گیا ہے، جبکہ 10 گرام سونے کا بھاؤ 3,944 روپے کی کمی کے بعد 3,66,457 روپے پر آ گیا۔ اسی طرح 24 قیراط فی تولہ چاندی کی قیمت 61 روپے گھٹ کر 6,309 روپے ہو گئی ہے۔ دوسری جانب بین الاقوامی مارکیٹ میں فی اونس سونا 46 ڈالرز کی کمی کے ساتھ 4,050 ڈالرز کی سطح پر آ گیا ہے۔ صرافہ ڈیلرز کا کہنا ہے کہ گزشتہ 2 روز کے دوران مقامی سطح پر فی تولہ سونا مجموعی طور پر 6,400 روپے سستا ہوا ہے۔