عالمی مارکیٹ کے زیرِ اثر پاکستان میں سونا سستا؛ فی تولہ قیمت میں 700 روپے کی کمی

عالمی منڈی میں سونے کی قیمتوں میں گراوٹ کے باعث مقامی صرافہ مارکیٹوں میں بھی سونے کی قیمت نیچے آگئی ہے۔ عالمی مارکیٹ میں سونا 7 ڈالر کی کمی کے بعد 5178 ڈالر فی اونس کی سطح پر آگیا، جس کے نتیجے میں پاکستان میں فی تولہ سونا 700 روپے سستا ہو کر 5 لاکھ 40 ہزار 562 روپے کا ہو گیا ہے۔ اسی طرح 10 گرام سونے کی قیمت 600 روپے کمی کے بعد 4 لاکھ 63 ہزار 444 روپے ریکارڈ کی گئی۔ مارکیٹ ماہرین کے مطابق عالمی سطح پر ہونے والی معمولی کمی کا اثر مقامی نرخوں پر بھی نظر آ رہا ہے۔