ملک بھر میں سونے کی قیمت میں بڑا اضافہ

ملک بھر میں سونے کی قیمتوں میں ایک بار پھر بڑا اضافہ دیکھنے میں آیا ہے۔ آل پاکستان صرافہ مارکیٹ اینڈ جیولرز ایسوسی ایشن کے مطابق 24 قیراط فی تولہ سونا 4,700 روپے کے اضافے کے بعد 4,29,236 روپے کی سطح پر پہنچ گیا ہے، جبکہ 10 گرام سونے کی قیمت 4,029 روپے بڑھ کر 3,68,000 روپے ہو گئی ہے۔ اسی طرح فی تولہ چاندی کی قیمت میں بھی 219 روپے کا اضافہ ہوا ہے، جس کے بعد نئی قیمت 6,396 روپے ہو گئی ہے۔ دوسری جانب بین الاقوامی مارکیٹ میں فی اونس سونا 47 ڈالر مہنگا ہو کر 4,068 ڈالر کا ہو گیا ہے۔