پاکستان میں سونے کے قیمت میں 10 ہزار روپے سے زائد کا اضافہ

ملک بھر میں سونے کی قیمتوں میں ایک ہی دن میں 10 ہزار روپے سے زائد کا بڑا اضافہ ریکارڈ کیا گیا ہے۔ آل پاکستان جیمز اینڈ جیولر ایسوسی ایشن کے مطابق، اس اضافے کے بعد فی تولہ سونے کی قیمت 5 لاکھ 50 ہزار 562 روپے کی بلند ترین سطح پر پہنچ گئی ہے۔ عالمی مارکیٹ میں سونے کا بھاؤ 100 ڈالر اضافے کے ساتھ 5278 ڈالر فی اونس ہونے کی وجہ سے مقامی مارکیٹ میں قیمتوں کا یہ طوفان دیکھا جا رہا ہے۔ 10 گرام سونے کی قیمت بھی 8 ہزار 574 روپے مہنگی ہو کر نئی ریکارڈ سطح پر آ گئی ہے۔