عالمی و مقامی سطح پر سونا سستا، چاندی کا دام بڑھ گیا

مقامی صرافہ مارکیٹ اور عالمی منڈی میں سونے کی قیمتوں میں معمولی کمی ریکارڈ کی گئی ہے، جبکہ چاندی کے دام میں اضافہ دیکھنے میں آیا ہے۔ آل صرافہ مارکیٹ اینڈ جیولرز ایسوسی ایشن کے مطابق مقامی سطح پر 24 قیراط فی تولہ سونا 500 روپے کی کمی کے بعد 4 لاکھ 59 ہزار 936 روپے کی سطح پر آگیا ہے، جبکہ 10 گرام سونے کا بھاؤ 429 روپے کم ہوکر 3 لاکھ 94 ہزار 320 روپے ہو گیا ہے۔ دوسری جانب عالمی منڈی میں بھی فی اونس سونا 5 ڈالر سستا ہوکر 4375 ڈالر کی سطح پر درج کیا گیا۔

سونے کے برعکس فی تولہ چاندی کی قیمت میں معمولی تیزی دیکھی گئی ہے۔ مارکیٹ رپورٹس کے مطابق 24 قیراط فی تولہ چاندی کے دام میں 13 روپے کا اضافہ ریکارڈ کیا گیا، جس کے بعد اس کی قیمت 6 ہزار 949 روپے فی تولہ پر پہنچ گئی ہے۔ صرافہ ایسوسی ایشن کا کہنا ہے کہ عالمی منڈی میں ہونے والی اتار چڑھاؤ کا براہِ راست اثر مقامی مارکیٹ کی قیمتوں پر پڑ رہا ہے۔