عالمی اور مقامی مارکیٹس میں سونے کی قیمت میں نمایاں کمی

عالمی اور مقامی صرافہ مارکیٹس میں سونے کی قیمتوں میں نمایاں کمی ریکارڈ کی گئی ہے۔ آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا 1,800 روپے سستا ہونے کے بعد 4,35,636 روپے کی سطح پر آ گیا ہے، جبکہ 10 گرام سونے کی قیمت میں 1,543 روپے کی کمی کے بعد نئی قیمت 3,73,487 روپے مقرر کی گئی ہے۔ دوسری جانب بین الاقوامی مارکیٹ میں بھی فی اونس سونا 18 ڈالر کی کمی کے ساتھ 4,096 ڈالر کی سطح پر پہنچ گیا ہے، جس کے اثرات مقامی مارکیٹ پر بھی مرتب ہوئے ہیں۔