ملک بھر میں سونے کی قیمت میں اضافہ، چاندی سستی ہو گئی

ملک بھر میں سونے کی قیمتوں میں معمولی اضافہ جبکہ چاندی کی قیمت میں کمی ریکارڈ کی گئی ہے۔ آل پاکستان صرافہ اینڈ جیولرز ایسوسی ایشن کے مطابق فی تولہ 24 قیراط سونے کی قیمت 300 روپے اضافے کے بعد 4 لاکھ 27 ہزار 736 روپے ہو گئی ہے، جبکہ 10 گرام 24 قیراط سونا 257 روپے مہنگا ہو کر 3 لاکھ 66 ہزار 714 روپے کا ہو گیا ہے۔ دوسری جانب فی تولہ 24 قیراط چاندی کی قیمت میں 12 روپے کی کمی دیکھی گئی، جس کے بعد چاندی 6 ہزار 297 روپے فی تولہ پر آگئی ہے۔ عالمی صرافہ مارکیٹ میں فی اونس سونا 3 ڈالر اضافے کے ساتھ 4,053 ڈالر کی سطح پر ریکارڈ کیا گیا۔