عالمی اور مقامی مارکیٹس میں سونے کی قیمت میں اضافہ

عالمی اور مقامی صرافہ مارکیٹوں میں دو روز بعد سونے کے نرخوں میں ایک بار پھر اضافہ دیکھنے میں آیا ہے۔ آل پاکستان صرافہ جیمز اینڈ جیولرز ایسوسی ایشن کے مطابق ملکی سطح پر 24 قیراط فی تولہ سونے کی قیمت میں 1,000 روپے کا اضافہ ہوا ہے، جس کے بعد نئی قیمت 427,436 روپے ہو گئی ہے۔ اسی طرح 10 گرام سونا 857 روپے مہنگا ہو کر 366,457 روپے پر پہنچ گیا۔ دوسری جانب بین الاقوامی مارکیٹ میں فی اونس سونا 10 ڈالر کے اضافے کے ساتھ 4,050 ڈالر پر بند ہوا۔ تاہم، فی تولہ چاندی کی قیمت میں 76 روپے کی کمی ریکارڈ کی گئی جس سے اس کا نیا نرخ 6,215 روپے فی تولہ ہو گیا ہے۔