سونے کی قیمتوں میں زبردست گراوٹ: فی تولہ سونا 13 ہزار 900 روپے سستا

مقامی صرافہ مارکیٹ میں سونے کی قیمتوں میں غیر معمولی کمی دیکھی گئی ہے۔ عالمی مارکیٹ میں سونے کی قیمتیں گرنے کے اثرات پاکستان پر بھی مرتب ہوئے، جہاں فی تولہ سونا 13 ہزار 900 روپے سستا ہو کر 5 لاکھ 49 ہزار 962 روپے کی سطح پر آگیا ہے۔ عالمی منڈی میں فی اونس سونا 139 ڈالر کی نمایاں کمی کے بعد 5272 ڈالر پر ٹریڈ ہو رہا ہے۔ مارکیٹ ذرائع کے مطابق، سونے کی قیمتوں میں اس بڑی کمی سے خریداروں کی جانب سے دوبارہ دلچسپی لیے جانے کا امکان ہے۔