سونے اور چاندی کی قیمتیں تاریخ کی بلند ترین سطح پر پہنچ گئیں

کراچی: عالمی اور مقامی سطح پر سونے اور چاندی کی قیمتیں پہلی بار بلند ترین سطح پر پہنچ گئی ہیں۔ آل صرافہ بازار ایسوسی ایشن کے مطابق مقامی مارکیٹ میں 24 قیراط فی تولہ سونا 7 ہزار 700 روپے اضافے کے بعد پہلی بار 4 لاکھ 80 ہزار 962 روپے کی سطح پر پہنچ گیا، جبکہ 10 گرام سونا 6 ہزار 602 روپے اضافے کے بعد 4 لاکھ 12 ہزار 347 روپے کی ریکارڈ قیمت پر ٹریڈ کر رہا ہے۔

چاندی کی قیمتوں میں بھی اضافہ دیکھا گیا ہے، جہاں 24 قیراط فی تولہ چاندی 430 روپے بڑھ کر پہلی بار 8 ہزار 895 روپے کی بلند ترین سطح پر پہنچی۔

عالمی مارکیٹ میں بھی سونے کی قیمتوں میں اضافہ ہوا، جہاں فی اونس سونا 77 ڈالر اضافے کے بعد پہلی بار 4 ہزار 586 ڈالر کی بلند ترین سطح پر ٹریڈ کر رہا ہے۔ یاد رہے کہ گزشتہ روز بھی مقامی اور عالمی گولڈ مارکیٹس میں نمایاں اضافہ دیکھا گیا تھا۔