ایران امریکہ کشیدگی کے باعث عالمی منڈی میں تیل مہنگا؛ برینٹ کروڈ 102 ڈالر فی بیرل سے تجاوز کر گیا

مشرق وسطیٰ کی موجودہ صورتحال کے پیش نظر عالمی مارکیٹ میں خام تیل کی قیمتیں بڑھ گئیں۔۔ ایران اور امریکا کے درمیان حالیہ جھڑپ کے بعد عالمی منڈی میں برینٹ خام تیل کی قیمت دو اعشاریہ تین فیصد بڑھ گئیں۔۔ برینٹ خام تیل کی قیمت ایک سو دو ڈالر چالیس سینٹس فی بیرل تک جا پہنچی۔۔ امریکی خام تیل ڈبلیو ٹی آئی کی قیمت دو اعشاریہ ایک فیصد بڑھ کر چھیانوے ڈالر اسی سینٹس فی بیرل ہوگئی۔۔ امریکی فوج کا کہنا ہے کہ ایران حملوں میں شامل میزائل، ڈرونز اور چھوٹی کشتیوں کو ناکام بنایا گیا۔۔ ایران نے امریکا پر پہلے حملوں کا الزام عائد کیا ہے۔۔