عالمی مارکیٹ میں خام تیل کی قیمتوں کو آگ لگ گئی: ڈبلیو ٹی آئی 100 اور برینٹ 105 ڈالر سے تجاوز کر گیا

امریکی صدر ڈونلڈ ٹرمپ کے حالیہ بیان اور مشرقِ وسطیٰ کی کشیدہ صورتحال کے باعث عالمی مارکیٹ میں خام تیل کی قیمتوں میں ایک بار پھر بڑا اضافہ ریکارڈ کیا گیا ہے۔ کاروباری دورانِانیے میں خام تیل کی قیمتوں میں ڈیڑھ فیصد سے زائد اضافہ دیکھا گیا، جس کے بعد امریکی خام تیل (WTI) کی قیمت 100 ڈالر فی بیرل کی نفسیاتی حد عبور کر گئی ہے۔ اسی طرح برطانوی خام تیل (برینٹ کروڈ) کی قیمت بھی ایک سو پانچ ڈالر فی بیرل سے تجاوز کر چکی ہے۔ دوسری جانب، متحدہ عرب امارات کے مربان خام تیل کی قیمت میں چار فیصد سے زائد کا نمایاں اضافہ ہوا، جس کے بعد اس کی قیمت ایک سو تین ڈالر فی بیرل کی سطح سے اوپر چلی گئی ہے۔ ماہرین کے مطابق صدر ٹرمپ کے بیان اور خطے میں سپلائی کے خدشات نے تیل کی منڈیوں میں اضطراب پیدا کر دیا ہے، جس سے آنے والے دنوں میں عالمی سطح پر توانائی کے بحران میں مزید اضافے کا خدشہ ہے۔