LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

وفاقی وزیر خزانہ محمد اورنگزیب سے استعفیٰ کا مطالبہ

Web Desk

1 July 2026

فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) نے ملکی معاشی و کاروباری صورتحال پر شدید تشویش کا اظہار کرتے ہوئے وفاقی وزیر خزانہ محمد اورنگزیب سے فوری طور پر مستعفی ہونے کا مطالبہ کر دیا ہے۔

میڈیا رپورٹس کے مطابق، ایف پی سی سی آئی کے نائب صدر ناصر خان نے اپنے ایک سخت بیان میں وزیر خزانہ سے استعفیٰ کا مطالبہ کرتے ہوئے کہا کہ ملک کو اس وقت ایک روایتی بینکر کی نہیں بلکہ ایک حقیقی ‘ماہرِ معاشیات’ وزیر خزانہ کی ضرورت ہے، جو ملکی مفاد میں بینکوں کے بنے ہوئے طاقتور کارٹل کو توڑ سکے۔

ناصر خان نے الزام عائد کیا کہ موجودہ بینکنگ پالیسیوں کی وجہ سے ملک میں ٹیکس نیٹ میں اضافہ نہیں ہو پا رہا۔ انہوں نے انکشاف کیا کہ تجارتی بینک مناسب جانچ پڑتال (Scrutiny) اور قانونی دستاویزات کے بغیر دھڑا دھڑ اکاؤنٹس کھول رہے ہیں، جس کے باعث بڑی تعداد میں نان فائلرز اور سرمایہ دار ٹیکس نیٹ سے باہر رہنے میں کامیاب ہیں۔ ان کا کہنا تھا کہ اگر حکومت ان پوشیدہ افراد کو ٹیکس نیٹ میں لے آئے تو پاکستان کو ہر سال 4 سے 6 ہزار ارب روپے کے اضافی قرضے لینے کی سرے سے ضرورت ہی نہیں پڑے گی۔  ایف پی سی سی آئی کے نائب صدر نے فیڈرل بورڈ آف ریونیو (ایف بی آر) کو بھی آڑے ہاتھوں لیتے ہوئے کہا کہ ادارہ گزشتہ 20 برسوں سے ٹیکس نیٹ بڑھانے میں بری طرح ناکام رہا ہے۔ انہوں نے دعویٰ کیا کہ گزشتہ دو دہائیوں میں نجی شعبے (Private Sector) کے خلاف ایف بی آر کے قائم کردہ مقدمات میں سے 99 فیصد ٹریبونلز اور اعلیٰ عدالتوں میں بوگس، غیر قانونی یا بے بنیاد قرار پائے گئے ہیں، جو تاجروں کو ہراساں کرنے کے مترادف ہے۔ ملک پر بڑھتے ہوئے مالیاتی بوجھ کا نقشہ کھینچتے ہوئے ناصر خان نے بتایا کہ حکومت کو اس وقت صرف سود کی مد میں تقریباً 8 ہزار ارب روپے ادا کرنا ہیں، جبکہ مزید 6 ہزار ارب روپے کا نیا قرض لیا جا رہا ہے۔ اس کے نتیجے میں آئندہ مالی سال کے دوران پاکستان کی صرف سود کی ادائیگیاں ہی بڑھ کر 9 ہزار ارب روپے کی خطرناک سطح تک پہنچ جائیں گی، جو ملکی معیشت کے لیے ڈوبنے کا مقام ہے۔ تاجر برادری نے مطالبہ کیا ہے کہ معاشی پالیسیوں پر فوری نظرثانی کی جائے۔