کسی کو سندھ سے مخالفت نہیں، کارکردگی پر بات ہوگی: عظمیٰ بخاری

صوبائی وزیر اطلاعات پنجاب عظمیٰ بخاری نے اپنے ایک جاری بیان میں کہا ہے کہ پنجاب کی سندھ حکومت یا عوام سے کوئی ذاتی مخالفت نہیں ہے، تاہم اگر کسی کو پنجاب کی بہترین کارکردگی طعنے کی طرح محسوس ہوتی ہے تو کارکردگی پر کھلی بحث ضرور ہوگی۔ انہوں نے واضح کیا کہ بغیر کسی ثبوت کے کرپشن کے من گھڑت الزامات لگانے والوں کے خلاف قانونی چارہ جوئی کرتے ہوئے انہیں عدالتوں میں لے جایا جا سکتا ہے، اور بے بنیاد پریس کانفرنسز پر سوال اٹھانے کو سیاسی انتقام قرار دینا بالکل غلط ہے۔عظمیٰ بخاری نے سندھ حکومت کو سخت تنقید کا نشانہ بناتے ہوئے سڑک کی تعمیر میں کرپشن: انہوں نے الزام عائد کیا کہ جن کے اپنے صوبے میں ایک واحد سڑک کی تعمیر پر 8 ارب روپے کی مبینہ کرپشن ہو جاتی ہے، وہ پنجاب حکومت سے سوال کرنے کا اخلاقی حق نہیں رکھتے۔تعلیمی و انتظامی اسکینڈلز: عظمیٰ بخاری کا کہنا تھا کہ سندھ میں الیکٹرک پنکھوں کی خریداری سے لے کر پورے امتحانی مراکز تک فروخت ہونے کی باتیں سامنے آتی رہی ہیں.انہوں نے زور دیا کہ کرپشن اور بدانتظامی کے تمام اسکینڈلز سندھ میں سامنے آتے ہیں نہ کہ پنجاب میں، لہٰذا میڈیا اور عوام کو سندھ کے معاملات اور کرپشن اسکینڈلز پر بھی سخت سوالات اٹھانے چاہئیں۔