وزیراعظم کی پالیسیوں سے کاروباری برادری کو ریلیف ملا:عاطف اکرام شیخ

وفاق ایوان ہائے صنعت و تجارت پاکستان (FPCCI) کے صدر عاطف اکرام شیخ نے ‘پاکستان فرسٹ اکنامک سمٹ 2026‘ سے خطاب کرتے ہوئے کہا ہے کہ وزیراعظم کی معاشی پالیسیوں سے کاروباری برادری کو نمایاں ریلیف ملا ہے۔ انہوں نے وزیراعظم اور پاک افواج کی قیادت کو خراج تحسین پیش کرتے ہوئے برآمد کنندگان اور جائیداد کی خریداری پر عائد اضافی ٹیکسوں میں کمی کے فیصلے کا خیرمقدم کیا۔ عاطف اکرام شیخ نے کہا کہ حکومت نے بجٹ میں ایف پی سی سی آئی کی تجاویز کو شامل کیا جس سے ملک میں سرمایہ کاری کا ماحول بہتر ہو رہا ہے۔ انہوں نے مزید کہا کہ پاکستان نے بھارت کے خلاف معرکہٴ حق میں فتح حاصل کی اور ایران امریکہ تنازع میں بھی کلیدی ثالثی کردار ادا کیا ہے، جبکہ پوری قوم امن و استکام کے لیے سیکیورٹی فورسز اور شہدا کی قربانیوں کے ساتھ کھڑی ہے۔