آئزن کوٹ کی نیتن یاہو کی اسرائیلی پارلیمنٹ میں تقریر پر سخت تنقید، شرمناک قرار دیدی

اسرائیل کی جنگی کابینہ کے سابق رکن اور سابق فوج سربراہ گیڈی آئزن کوٹ نے اسرائیلی پارلیمنٹ (کنیسیٹ) میں وزیراعظم بنیامین نیتن یاہو کی کی گئی تقریر پر سخت تنقید کرتے ہوئے انہیں شدید تنقید کا نشانہ بنایا ہے۔

آئزن کوٹ نے نیتن یاہو کے خطاب پر ردِعمل دیتے ہوئے کہا کہ وہ ایک ایسے وزیراعظم کی تقریر سن رہے تھے جو خود خام خیالیوں اور بدگمانیوں میں مبتلا ہے اور جس کا بیانیہ نفرت انگیز اور شرمناک تھا۔ انہوں نے کہا کہ نیتن یاہو کی سیاسی مدت اب پوری ہو چکی ہے اور وہ محض اپنے ذاتی و سیاسی مقاصد اور اقتدار کو طول دینے کے لیے حکومتی منصب اور ریاست کے اعلیٰ عہدے کو استعمال کر رہے ہیں۔

سابق فوجی سربراہ نے مزید کہا کہ کنیسیٹ میں نیتن یاہو کا خطاب سننے کے بعد انہیں پہلے سے بھی زیادہ اس بات کا پکا یقین ہو گیا ہے کہ بنیامین نیتن یاہو وزیراعظم کے اس اہم ترین عہدے کے بالکل لائق نہیں ہیں، ایک منٹ کے لیے بھی نہیں۔