عوام کیلئے خوشخبری، پٹرولیم مصنوعات کی قیمتوں میں کمی کا تسلسل برقرار

حکومت نے عوام کو راحت دیتے ہوئے پٹرولیم مصنوعات کی نئی قیمتوں کا باضابطہ اعلان کر دیا ہے۔

پٹرولیم ڈویژن کی جانب سے جاری کردہ نوٹیفکیشن کے مطابق پٹرول کی فی لٹر قیمت میں 8 روپے اور ہائی سپیڈ ڈیزل کی قیمت میں 7 روپے فی لٹر کمی کی گئی ہے۔ اس ردوبدل کے بعد پٹرول کی نئی قیمت 338 روپے فی لٹر جبکہ ہائی سپیڈ ڈیزل کی قیمت 371 روپے فی لٹر مقرر ہو گئی ہے۔

نوٹیفکیشن کے مطابق پٹرولیم مصنوعات کی نئی قیمتوں کا اطلاق فوری طور پر رات 12 بجے سے کر دیا گیا ہے جو 11 نومبر تک نافذ العمل رہے گا۔