پیٹ ہیگسیتھ کے مواخذے کی قرارداد پر ایوان نمائندگان میں ووٹنگ آج ہوگی

امریکی وزیر دفاع (جنگ) پیٹ ہیگسیتھ کے خلاف مواخذے کی قرارداد پر ایوانِ نمائندگان میں آج اہم ووٹنگ ہو رہی ہے۔

پارلیمانی طریقہ کار کے مطابق، پہلے مرحلے میں اس قرارداد کو مسترد کرنے کی آئینی کوشش کی جائے گی، تاہم اگر یہ کوشش ناکام ہوتی ہے تو مواخذے کی مختلف دفعات پر ایوان میں باقاعدہ بحث اور حتمی ووٹنگ کروائی جائے گی۔ قابلِ ذکر بات یہ ہے کہ پیٹ ہیگسیتھ کے خلاف مواخذے کی یہ قرارداد صدر ڈونلڈ ٹرمپ کی اپنی ہی ریپبلکن پارٹی کے رکنِ کانگریس تھامس میسی نے پیش کی ہے۔

دوسری جانب امریکی صدر ڈونلڈ ٹرمپ اپنی ہی پارٹی کے رکن پر برس پڑے ہیں اور انہوں نے پیٹ ہیگسیتھ کا بھرپور دفاع کیا ہے۔ میڈیا سے گفتگو کرتے ہوئے صدر ٹرمپ نے تھامس میسی کو شدید تنقید کا نشانہ بناتے ہوئے ’’ناکام اور بیمار ذہنیت کا حامل شخص‘‘ قرار دیا اور دعویٰ کیا کہ پیٹ ہیگسیتھ نے دو جنگیں جیتی ہیں اور وینزویلا و ایران میں امریکی فوجی اقدامات کو کامیابی سے سنبھالا ہے۔