حکومت کا پٹرول کی قیمت برقرار رکھنے اور ڈیزل مہنگا کرنے کا فیصلہ

حکومت نے آئندہ 15 روز کے لیے پٹرول کی قیمت برقرار رکھنے جبکہ ہائی اسپیڈ ڈیزل کی قیمت میں اضافہ کرنے کا فیصلہ کر لیا ہے۔ وزارتِ پٹرولیم کی جانب سے پٹرولیم مصنوعات کی نئی قیمتوں کا باقاعدہ نوٹیفیکیشن جاری کر دیا گیا ہے۔

نوٹیفیکیشن کے مطابق ہائی اسپیڈ ڈیزل کی قیمت میں 11 روپے 30 پیسے فی لیٹر اضافہ کیا گیا ہے، جس کے بعد ڈیزل کی نئی قیمت 268 روپے 38 پیسے فی لیٹر مقرر کر دی گئی ہے۔

وزارتِ پٹرولیم کے مطابق نئی قیمتوں کا اطلاق آج رات 12 بجے سے ہوگا اور یہ قیمتیں آئندہ 15 روز تک نافذ العمل رہیں گی۔ پٹرول کی قیمت میں اس مدت کے دوران کوئی تبدیلی نہیں کی گئی۔