’میرا لیاری‘ کا کسی دوسری فلم سے موازنہ کرنا فلم سے ناانصافی ہے، دنانیر موبین

برطانیہ میں اپنی فلم کی تشہیر کے دوران دنانیر مبین نے بھارتی فلم ’دھریندر‘ سے تقابل کیے جانے پر سخت ردعمل دیا ہے۔ ان کا کہنا ہے کہ ’میرا لیاری‘ کا موضوع بالکل منفرد ہے، جس میں جنوبی ایشیائی خواتین کی کھیلوں میں شمولیت اور خاص طور پر لیاری کے خواتین فٹ بال کلچر کو اجاگر کیا گیا ہے۔ اداکارہ نے زور دیا کہ فلم کو کسی مخصوص سانچے میں دیکھنے کے بجائے وسیع تناظر میں دیکھ کر ٹیم کی محنت کو سراہا جانا چاہیے۔ یہ فلم لیاری کے حقیقی ٹیلنٹ اور وہاں کی خوبصورت تصویر پیش کرتی ہے، جسے یو کے ایشین فلم فیسٹیول 2026ء کے لیے بھی منتخب کیا گیا ہے۔