لاہور :جج کے چیمبر سے دو سیب اور ہینڈ واش کی چوری کا مقدمہ اندراج

لاہور میں ایڈیشنل سیشن جج کے چیمبر سے دو سیب اور ایک ہینڈ واش چوری ہونے کا مقدمہ درج کر لیا گیا۔ مقدمہ جج کے ریڈر کی مدعیت میں تھانہ اسلام پورہ میں درج ہوا۔ایف آئی آر کے مطابق پانچ دسمبر کو چیمبر سے دو سیب اور ہینڈ واش چوری کیا گیا جبکہ چوری شدہ اشیا کی قیمت ایک ہزار روپے بتائی گئی ہے۔ دوسری جانب اسلامپورہ پولیس نے سیب چوری کے مقدمہ کو معمولی نوعیت کا جرم قرار دیتے ہوئے دفعہ 95 کے تحت خارج کردیا ہےوکلا کا کہنا ہے کہ جرم ثابت ہونے پر ملزم کو سات سال قید، جرمانہ یا دونوں سزائیں سنائی جا سکتی ہیں