عمران ہاشمی کے لگژری گیراج میں کروڑوں روپے کی نئی مرسڈیز شامل

بالی ووڈ کے معروف اداکار عمران ہاشمی نے اپنی لگژری گاڑیوں کے کلیکشن میں ایک اور شاندار اضافہ کرتے ہوئے نئی مرسڈیز بینز جی 63 خرید لی ہے، جس کی مالیت تقریباً 4 کروڑ 30 لاکھ بھارتی روپے بتائی جاتی ہے۔ 47 سالہ اداکار کی اس نئی اور پرتعیش ایس یو وی کی گھر کے باہر تصاویر سامنے آنے کے بعد سوشل میڈیا پر بھی ان کا خوب چرچا ہو رہا ہے۔ یہ قیمتی خریداری ایسے وقت میں سامنے آئی ہے جب ان کی فلم ’آوارہ پن 2‘ نے 100 کروڑ روپے کے کلب میں شاندار کامیابی حاصل کی ہے، جسے ان کے دو دہائیوں پر محیط فلمی کیریئر کی کامیابیوں کے جشن سے بھی جوڑا جا رہا ہے۔