پاکستان کی بھارت سمیت تمام ایس سی او ممالک کو مکالمے کی دعوت
Web Desk
22 November 2026
وفاقی وزیر برائے موسمیاتی تبدیلی ڈاکٹر مصدق ملک نے بھارتی دارالحکومت نئی دہلی میں شنگھائی تعاون تنظیم (ایس سی او) کے تحت تہذیبوں کے درمیان مکالمے کے وزارتی فورم میں پاکستان کی نمائندگی کرتے ہوئے اردو زبان میں اظہارِ خیال کیا اور بھارت سمیت تمام رکن ممالک کو مکالمے کی دعوت دیتے ہوئے ثقافتی تعاون، تاریخی ورثے کے تحفظ اور موسمیاتی تبدیلی سے نمٹنے کے لیے 3 نکاتی فارمولا پیش کر دیا۔ اپنے خطاب میں مرزا غالب اور علامہ اقبال کا تذکرہ کرتے ہوئے انہوں نے کہا کہ مکالمہ ہمیشہ مختلف نظریات اور ثقافتوں کے درمیان ہی ہوتا ہے اور اگر تمام نظریات ایک جیسے ہوں تو وہ مکالمہ نہیں رہتا، جبکہ پاکستان گندھارا اور بدھ مت سمیت قدیم تہذیبوں کا امین ہے جس کے تاریخی روابط فارس و عرب سے لے کر بخارا اور سمرقند تک پھیلے ہوئے ہیں۔ ڈاکٹر مصدق ملک نے ایس سی او ممالک کے مابین ثقافتی تعاون کے فروغ، تاریخی ورثے کو محفوظ بنانے اور تہذیبی آثار کو موسمیاتی تبدیلی کے خطرات سے بچانے کے لیے مشترکہ اقدامات کی تجویز دیتے ہوئے ثقافتی ورثے کے تحفظ کا ایس سی او نیٹ ورک اور ڈیجیٹل لائبریری قائم کرنے پر زور دیا۔ فورم کے موقع پر ڈاکٹر مصدق ملک اور بھارتی وزیر گجندر سنگھ شیخاوت کے درمیان نئی دہلی کے پرانے قلعے میں ایک غیر رسمی ملاقات بھی ہوئی جس میں دونوں وزرا کافی دیر تک گفتگو کرتے رہے، جبکہ وفاقی وزیر نے آذربائیجان، کرغزستان، تاجکستان اور نیپال کے وزرائے ثقافت و اطلاعات اور ایرانی وفد سے بھی الگ الگ ملاقاتیں کیں۔
متعلقہ عنوانات
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026
استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت
22 November 2026
پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا
22 November 2026
پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس
22 November 2026
نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال
22 November 2026