یوٹیوبر رجب بٹ کے خلاف توہینِ مذہب کا مقدمہ سٹی کورٹ آمد پر وکلا کا تشدد

کراچی میں معروف یوٹیوبر رجب بٹ کے خلاف توہینِ مذہب کے الزامات پر درج مقدمے کے سلسلے میں سٹی کورٹ میں پیشی کے دوران ہنگامہ آرائی دیکھنے میں آئی، جہاں وکلا کے ایک گروہ کی جانب سے تشدد کا واقعہ پیش آیا۔

تفصیلات کے مطابق رجب بٹ کے خلاف حیدری تھانے میں توہینِ مذہب کا مقدمہ درج ہے۔ سٹی کورٹ آمد کے موقع پر وکلا کے درمیان تلخ کلامی کے بعد ہاتھا پائی ہوئی، تاہم رجب بٹ کے وکلا نے بیچ بچاؤ کی کوشش کی اور انہیں بحفاظت عدالت سے باہر نکال دیا گیا۔

رجب بٹ اس مقدمے میں عبوری ضمانت پر ہیں۔ عدالت میں سماعت کے دوران وکلا کی جانب سے مؤقف اختیار کیا گیا کہ رجب بٹ سے وعدہ لیا گیا ہے کہ وہ آئندہ کسی بھی ایسی حرکت سے باز رہیں گے جس سے مذہبی جذبات مجروح ہوں۔

عدالت نے دلائل سننے کے بعد رجب بٹ کی عبوری ضمانت میں 13 جنوری تک توسیع کر دی۔ کیس کی مزید سماعت آئندہ تاریخ پر ہوگی۔