حکومت کا بڑا فیصلہ، پنشن اور تنخواہ ایک ساتھ لینے کی اجازت بحال

وفاقی حکومت نے ریٹائرمنٹ کے بعد دوبارہ ملازمت کرنے والے ملازمین کے لیے پنشن اور تنخواہ ایک ساتھ لینے پر عائد پابندی ختم کر دی ہے۔ وزارتِ خزانہ نے پنشن کیسز سے متعلق 22 اپریل اور 19 جون 2025 کے آفس میمورنڈمز فوری طور پر واپس لینے کا نوٹیفکیشن جاری کر دیا۔
نوٹیفکیشن کے مطابق ری ایمپلائمنٹ پر سابقہ احکامات منسوخ کر دیے گئے ہیں اور اب دوبارہ تعینات ریٹائرڈ افسران و ملازمین مکمل مالی مراعات کے حقدار ہوں گے۔ اس فیصلے کے تحت ڈبل بینیفٹ اسکیم بحال کر دی گئی ہے، جس کے بعد ریٹائرڈ ملازمین دوبارہ ملازمت پر تنخواہ اور پنشن دونوں حاصل کر سکیں گے۔