پاکستان کی جانب سے بائیکاٹ کافیصلہ، بھارتی کرکٹ بورڈکاردعمل سامنے آگیا

پاکستان کی جانب سے بھارت کے خلاف میچ کے بائیکاٹ کا فیصلہ، بھارتی کرکٹ بورڈ کا ردعمل سامنے آگیا۔بی سی سی آئی کے نائب صدر راجیوشکلا کہتے ہیں انٹرنیشنل کرکٹ کونسل سے بات ہوجانے تک پاکستان کے فیصلے پر کوئی بات نہیں کریں گے۔

راجیوشکلا نے کہاکہ  آئی سی سی نے اس حوالے سے اسپورٹس مین شپ کا کہا ہے اوروہ  آئی سی سی کے مؤقف سے اتفاق کرتے ہیں۔بنگلا دیش نے بھارت میں عدم تحفظ کی بنیاد پر آئی سی سی سے ٹی ٹوئنٹی ورلڈکپ میں اپنے تمام میچز سری لنکا منتقل کرنے کی درخواست کی تھی مگر آئی سی سی نے معاملہ سمجھنے اور اسے حل کرنے کے بجائے اسکاٹ لینڈ کو شامل کرلیا۔

اس صورتحال کے بعد حکومت پاکستان نے بنگلا دیش سے اظہار یکجہتی کی خاطر بھارت کے خلاف 15 فروری کو ہونے والے  میچ میں شرکت نہ کرنے فیصلہ سنا دیا تاہم ورلڈکپ کے باقی میچزمیں سری لنکا میں شرکت کی جائے گی۔