غزہ میں زخمی فلسطینیوں کا علاج کرنے والے ڈاکٹر آدم حموی کانگریس کے رکن منتخب

امریکی ریاست نیو جرسی میں مصری نژاد امریکی سرجن ڈاکٹر آدم حموی ایوانِ نمائندگان کے رکن منتخب ہو گئے ہیں، جہاں وہ نیو جرسی کے نویں تاریخی حلقے سے کانگریس پہنچنے والے پہلے مسلمان اور پہلے مصری نژاد رکن بن گئے ہیں۔ ڈیموکریٹ امیدوار ڈاکٹر آدم حموی نے اپنے حریف ریپبلکن امیدوار گریگ میل کو واضح اکثریت سے شکست دی۔ سابق امریکی فوجی سرجن کے طور پر عراق جنگ میں خدمات انجام دینے والے نومنتخب ارکانِ کانگریس 2024 اور 2025 کے دوران غزہ میں میدانِ جنگ میں طبی امداد فراہم کر چکے ہیں۔ ڈاکٹر آدم حموی نے اپنی انتخابی مہم کے دوران سستے مکانات، صحت عامہ کی بہتری، غیر قانونی تارکینِ وطن کو شہریت دینے اور اسرائیل کو امریکی فوجی امداد کی فوری بندش کا پرزور مطالبہ کیا ہے۔