کراچی کی 25 مرکزی شاہراہوں پر 2 اور 4 سٹروک رکشے چلانے پر پابندی

شہرِ قائد کی 25 اہم اور مرکزی شاہراہوں پر دو اور چار اسٹروک رکشے چلانے پر پابندی عائد کر دی گئی ہے۔ پابندی کا اطلاق آج سے ہوگا، جس کا مقصد ٹریفک کی روانی کو بہتر بنانا ہے۔

پابندی کے تحت شاہراہِ قائدین، شہیدِ ملت روڈ، شیر شاہ سوری روڈ، عبداللہ ہارون روڈ، کلفٹن دو تلوار، اسٹیڈیم روڈ، راشد منہاس روڈ، ماڑی پور روڈ، یونیورسٹی روڈ، کورنگی روڈ، حب ریور روڈ، اورنگی ٹاؤن روڈ، سپر ہائی وے سے ملیر روڈ اور شاہراہِ فیصل سمیت دیگر مرکزی سڑکوں پر رکشوں کا داخلہ ممنوع ہوگا۔

کمشنر کراچی نے ڈی آئی جی ٹریفک کی سفارش پر دفعہ 144 کے تحت اس پابندی کا نفاذ کیا ہے، جبکہ خلاف ورزی کرنے والوں کے خلاف کارروائی عمل میں لائی جائے گی۔