اداکارہ عائزہ خان کا نیا انداز سوشل میڈیا پر توجہ کا مرکز بن گیا

پاکستان شوبز انڈسٹری کی نامور اداکارہ عائزہ خان ان دنوں اسکاٹ لینڈ میں چھٹیاں گزار رہی ہیں، جہاں میوزیم کی سیر کے دوران لی گئی ان کی نئی تصاویر نے سوشل میڈیا پر مداحوں کی توجہ حاصل کر لی ہے۔ انسٹاگرام پر شیئر کی گئی تصاویر میں وہ جدید اور مغربی لباس میں نظر آئیں، جس کے بعد سوشل میڈیا صارفین کی آراء تقسیم ہو گئیں۔ جہاں متعدد مداحوں نے اداکارہ کے اس نئے انداز کو پسند کیا، وہیں بعض صارفین نے ان کے لباس کے انتخاب پر ناپسندیدگی کا اظہار کرتے ہوئے تنقید بھی کی۔ دوسری جانب عائزہ خان کے حامی صارفین نے موقف اپنایا کہ لباس کا انتخاب ہر فرد کا ذاتی اختیار ہے۔ واضح رہے کہ عائزہ خان اس وقت ٹی وی اسکرین سے کچھ عرصے کے لیے بریک پر ہیں اور ذرائع کے مطابق وہ جلد ہی اداکار فواد خان کے ساتھ اپنی پہلی ڈیبیو فلم کے ذریعے بڑے پردے پر قدم رکھنے جا رہی ہیں۔