18 سال بعد عاطف اسلم کا نیا البم صبح آئے نا ریلیز کا اعلان

پاکستان کے نامور گلوکار عاطف اسلم نے 18 سال کے طویل وقفے کے بعد اپنے چوتھے اسٹوڈیو البم ‘صبح آئے نا’ کی ریلیز کا باضابطہ اعلان کر دیا ہے۔ انسٹاگرام پر البم کا آفیشل کور اور 8 گانوں کی فہرست شیئر کرتے ہوئے انہوں نے اپنے مداحوں کو نئے میوزک کا تحفہ دیا ہے۔ یہ البم 2008 میں ریلیز ہونے والے البم ‘میری کہانی’ کے بعد عاطف اسلم کا پہلا مکمل اسٹوڈیو البم ہوگا، جس میں ‘صبح آئے نا’، ‘سفر میں ہوں’، ‘عشق’ اور ‘سچے وعدے’ جیسے گانے شامل ہیں۔ 2004 میں ‘جل پری’ سے سولو کیریئر کا آغاز کرنے والے گلوکار نے گزشتہ دو دہائیوں میں متعدد بالی ووڈ اور لالی ووڈ ہٹ نمبرز دیے ہیں۔ 18 سال بعد ان کے مکمل البم کے اعلان کو مداح میوزک انڈسٹری میں ان کی ایک بڑی اور شاندار واپسی قرار دے رہے ہیں۔