ارشد ندیم نے شیخ محمد بن راشد ایوارڈ وصول کرلیا

پاکستان کے اولمپک جیولین تھرو گولڈ میڈلسٹ ارشد ندیم نے شیخ محمد بن راشد ایوارڈ وصول کر لیا۔ دبئی میں جاری 17ویں اسپورٹس ورلڈ سمٹ کے دوران منعقدہ تقریب میں ارشد ندیم کو یہ اعزاز دیا گیا، جہاں عالمی سطح کے نامور اسپورٹس اسٹارز اور شخصیات موجود تھیں۔

اس موقع پر وفاقی وزیر اطلاعات عطا اللہ تارڑ نے ارشد ندیم کو مبارکباد دیتے ہوئے کہا کہ یہ ایوارڈ صرف ارشد ندیم نہیں بلکہ پورے پاکستان کے لیے باعثِ فخر ہے۔ انہوں نے کہا کہ ارشد ندیم نے اپنی محنت، لگن اور شاندار کارکردگی سے ملک کا نام عالمی سطح پر روشن کیا ہے۔

ارشد ندیم کی اس کامیابی کو کھیلوں کے میدان میں پاکستان کے لیے ایک اہم سنگِ میل قرار دیا جا رہا ہے۔