سرکاری اداروں کی نجکاری میں نمایاں پیش رفت، مشیر وزیر خزانہ

مشیر وزیر خزانہ خرم شہزاد نے سماجی رابطے کی ویب سائٹ ایکس پر اپنے پیغام میں کہا ہے کہ گزشتہ چھ ماہ کے دوران اہم سرکاری اداروں کی نجکاری میں نمایاں پیش رفت ہوئی ہے۔ ان کے مطابق یوٹیلیٹی اسٹورز، پاسکو، پی آئی اے اور فرسٹ ویمن بینک کی نجکاری کا عمل مکمل ہو چکا ہے۔

خرم شہزاد نے کہا کہ یہ ادارے قومی خزانے پر بوجھ تھے اور نجکاری کے عمل سے حکومت ان کے مالی بوجھ سے نجات حاصل کر چکی ہے۔ انہوں نے مزید بتایا کہ دیگر سرکاری اداروں کی نجکاری کے حوالے سے بھی اصلاحاتی اقدامات کا سلسلہ جاری ہے۔