LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سندھ، بلوچستان اور جنوبی پنجاب میں اگلے 3 ماہ خشک سالی کا خدشہ: سندھ حکومت کا بڑا فیصلہ؛ نوجوان گھر بیٹھے ڈالر کمائیں حوثی ملیشیا کے حملے ناقابل قبول، سعودی عرب کے ساتھ کھڑے ہیں: وزیراعظم پی سی بی نے نئے سینٹرل کنٹریکٹس کا اعلان کر دیا 190 ملین پاؤنڈز کیس:عمران خان اور بشریٰ بی بی کی اپیلیں سماعت کیلیے مقرر ذہنی معذوری کے شکار شخص کا مقدمہ قابل سماعت قرار، عدالت نے درخواست مسترد کر دی ملک بھر کے بجلی صارفین پر ایڈجسٹمنٹس کا بھاری بوجھ منتقل کیے جانے کا خدشہ ای سی سی نے مزید 4 لاکھ ٹن چینی برآمد کرنے کی منظوری دے دی آلائی کے علاقے بلیجہ میں اراضی کے تنازعے پر فائرنگ، 7 افراد جاں بحق، 10 زخمی امریکی ایف بی آئی کا حساس جرائم کا ڈیٹا بیس ہیک کرلیا گیا دعا ہے کہ وزیر اعظم اپنے 5 سال پورے کریں: بلاول بھٹو پاکستانی نژاد کینیڈین ذیشان واہلہ برٹش کولمبیا کے وزیر مملکت برائے ہاؤسنگ مقرر بریگزٹ کے بعد یورپی یونین اور برطانیہ کا اہم معاہدہ طے پا گیا اسرائیلی اپوزیشن رہنما گادی آئزن کا نیتن یاہو کو وزارت عظمیٰ سے ہٹانے کا اعلان امریکی محکمہ زراعت پر سائبر حملہ، اہم کمپیوٹر سسٹمز متاثر

پنڈی ٹیسٹ: پاکستان نے سری لنکا کے خلاف سیریز 0-1 سے جیت لی

Web Desk

20 November 2026

پاکستان نے سری لنکا کو سیریز کے دوسرے ٹیسٹ میچ میں شکست دے کر دو میچوں پر مشتمل ٹیسٹ سیریز 0-1 سے اپنے نام کر لی ہے۔

راولپنڈی کرکٹ اسٹیڈیم میں کھیلے جا رہے دوسرے ٹیسٹ میچ کے چوتھے روز سری لنکا کی ٹیم اپنی دوسری اننگز میں 316 رنز بنا کر آل آؤٹ ہو گئی، جس کے بعد پاکستان کو میچ اور سیریز جیتنے کے لیے 90 رنز کا آسان ہدف ملا جو گرین شرٹس نے حاصل کر کے فتح پر مہر ثبت کر دی۔

دوسری اننگز میں پاکستان کی جانب سے فاسٹ باؤلرز محمد عباس اور عامر جمال نے شاندار باؤلنگ کا مظاہرہ کرتے ہوئے 3، 3 وکٹیں حاصل کیں، جبکہ رضا اللّٰہ نے 2 اور سلمان علی آغا و ثاقب خان نے ایک، ایک کھلاڑی کو پویلین کی راہ دکھائی۔ اس سے قبل تیسرے دن کے اختتام تک سری لنکا نے 9 وکٹوں کے نقصان پر 309 رنز بنائے تھے، تاہم چوتھے روز کے پہلے ہی سیشن میں مہمان ٹیم کی دوسری اننگز 316 رنز پر سمٹ گئی۔

واضح رہے کہ سری لنکا کی ٹیم پہلی اننگز میں پاکستانی باؤلنگ کے سامنے بے بس نظر آئی تھی اور محض 98 رنز پر آل آؤٹ ہو گئی تھی، جس میں محمد عباس نے 14، رضا اللّٰہ نے 21 اور عامر جمال نے 24 رنز کے عوض 3، 3 وکٹیں حاصل کی تھیں جبکہ ایک وکٹ ثاقب خان کے حصے میں آئی تھی۔ جواب میں پاکستانی ٹیم نے اپنی پہلی اننگز میں 325 رنز بنا کر مضبوط برتری حاصل کی تھی۔

یاد رہے کہ دونوں ٹیموں کے درمیان سیریز کا پہلا ٹیسٹ میچ ڈرا ہو گیا تھا، جبکہ ٹیسٹ سیریز سے قبل کھیلی گئی تین میچوں کی ٹی ٹوئنٹی سیریز بھی پاکستان نے 1-2 سے جیتی تھی۔