ذہنی معذوری کے شکار شخص کا مقدمہ قابل سماعت قرار، عدالت نے درخواست مسترد کر دی
Web Desk
21 November 2026
لاہور ہائیکورٹ نے ذہنی معذوری کے شکار شخص کی جانب سے اس کے بھائی کے ذریعے دائر کیے گئے وراثتی جائیداد کے مقدمے کو قابلِ سماعت قرار دینے کا فیصلہ برقرار رکھتے ہوئے بہن مسرت محمد دین کی آئینی درخواست خارج کر دی ہے۔ جسٹس مزمل اختر شبیر نے 9 صفحات پر مشتمل تحریری فیصلے میں قرار دیا کہ ذہنی معذوری کے شکار کسی بھی شخص کا مقدمہ دائر کرنے کے لیے پہلے کورٹ آف پروٹیکشن سے سرپرست مقرر کروانا لازمی نہیں بلکہ سول کورٹ بھی ذہنی معذوری کا جائزہ لے کر مقدمے کی حد تک سرپرست مقرر کر سکتی ہے، جبکہ ذہنی معذوری کا حتمی تعین شہادتیں ریکارڈ کرنے کے بعد بھی کیا جا سکتا ہے۔ درخواست گزار مسرت محمد دین نے مؤقف اختیار کیا تھا کہ ان کے ذہنی معذور بھائی صفدر علی نے وراثتی جائیداد انہیں بطور تحفہ منتقل کی تھی اور بھائی محمد یعقوب کی جانب سے سرپرست بن کر دائر کیے گئے مقدمے میں قانونی طریقہ کار پورا نہیں کیا گیا، تاہم سول کورٹ چنیوٹ نے صفدر علی کو ذاتی طور پر طلب کر کے سوالات کیے جہاں وہ اپنے نام اور رشتوں کی شناخت کے علاوہ دیگر سوالات کے جواب نہ دے سکے، جس پر سول کورٹ نے مقدمہ قابلِ سماعت قرار دیتے ہوئے متنازعہ جائیداد کی مزید منتقلی روک دی تھی۔ لاہور ہائیکورٹ نے سول کورٹ اور ایڈیشنل ڈسٹرکٹ جج چنیوٹ کے فیصلوں کو درست قرار دیتے ہوئے قرار دیا کہ ذہنی معذوری کے شکار فرد کے قانونی مفادات کا تحفظ عدالت کی ذمہ داری ہے اور جائیداد کی مزید منتقلی سے نئی قانونی پیچیدگیاں جنم لے سکتی ہیں
متعلقہ عنوانات
سندھ، بلوچستان اور جنوبی پنجاب میں اگلے 3 ماہ خشک سالی کا خدشہ:
21 November 2026
سندھ حکومت کا بڑا فیصلہ؛ نوجوان گھر بیٹھے ڈالر کمائیں
21 November 2026
حوثی ملیشیا کے حملے ناقابل قبول، سعودی عرب کے ساتھ کھڑے ہیں: وزیراعظم
21 November 2026
پی سی بی نے نئے سینٹرل کنٹریکٹس کا اعلان کر دیا
21 November 2026
190 ملین پاؤنڈز کیس:عمران خان اور بشریٰ بی بی کی اپیلیں سماعت کیلیے مقرر
21 November 2026
ملک بھر کے بجلی صارفین پر ایڈجسٹمنٹس کا بھاری بوجھ منتقل کیے جانے کا خدشہ
21 November 2026
ای سی سی نے مزید 4 لاکھ ٹن چینی برآمد کرنے کی منظوری دے دی
21 November 2026
آلائی کے علاقے بلیجہ میں اراضی کے تنازعے پر فائرنگ، 7 افراد جاں بحق، 10 زخمی
21 November 2026